Komið og roynið súlu, náta, lunda, álku og annað. Tit sleppa at royna tað rátt, gravað, roykt, braserað, stokt og kókað. Fyri fyrstu ferð í Føroyum hevur tú møguleikan at smakka allar hesar forkunnigu fuglar við somu máltíð. 9 rættir við drykkjuvørum fyri kr. 1600,- Tað ber eisini til at gista. Skrivið til okkum og spyrjið um prís.

Jóan Pauli Joensen, professari í síðsøgu og fólkalívsfrøði, fer at tosa um týdningin, sum svartfuglur hevur haft fyri føroyingar, og hvussu vit hagreiddu hetta tilfeingið fyrr.

G.G. Hon+Hann stuðlar tiltakinum við at loyva okkum at selja atgongumerkir á teirra nethandli. Hon+Hann hava ikki á nakran hátt ábyrgd av tiltakinum. Møguligar klagur ella afturgjald av pengum, skula stílast beinleiðis til ábyrdarahavaran, Gamla Hotellið í Miðvági.